Nimin (26.6.2018) kha ‘International Day Against Drug Abuse and Illicit Trafficking' a nih angin Mizoram Police te chuan Aizawl Zoological Park, Sakawrtuichhun ah Pu Balaji Srivastava IPS, DGP Mizoram hovin hun an hmang a. Mizoram Police chuan hemi ni pual hian thuchhuah siamin, ruihhlo laka ram leh hnam a lo him theih nan Ruihhlo Do kawng ah ngawrh zawka hmalak an tum thu an puang a. He hunah hian Mizoram Police te chuan an ruihhlo man sa thahnem tak chu Aizawl Zoological Park, Sakawrtuichhun a Incinerator hmangin an ti ral.
Heng ruihhlo tih ral te hi kum 2012 atanga 2015 chhunga Police Station hrang hrang 5 (panga) Spl. Narcotic PS, Champhai PS, Aizawl PS, Serchhip PS leh Bairabi PS a ND&PS Act hnuai a case siam tawh te an ni a. Court-in a ti ral tura thu a pek tawh leh High Level Drug Disposal Committee, PHQ Mizoram in Drug disposal dan ang thlap a Incenerator hmng a tih ral tura ruahman sa te an ni.
Heng ruihhlo tih ral te hi Pseudo-ephedrine an ni hlawm a, a vai hian Kg 904.318 niin Rs. 384,33,515 man hu a chhut a ni.
He International Day against Drug Abuse & Illicit Trafficking pual hian Aizawl District leh District dangah te pawh Police ten School leh hmun hrang hrang ah Anti-Drugs Awareness Campaign neiin, thu ziak te semin hma an la a. Ruihhlo hrang hrang dona atan ngawrh taka hma lak a ni.
