No.7280/2020-2021
Nimin tlai khan Mizoram Police chuan GS Arya Mess, PHQ-ah Mizoram Police Raising Day vawi 50-na an lawm a. He hun an hman tak pual hian a hnuaia mi ang hian Press Statement an siam.
Vawiin, 21st January, 2021 hi Mizoram Police Raising Day vawi 50-na a ni a. He hun hi GS Arya Mess, PHQ-ah function buatsaih a lawm a ni a, Aizawl khawpui chhunga Police Officer SP rank leh a chunglamte function ah hian an tel a ni. He function hi Pu L.H. Shanliana IPS, ADGP Mizoram in a kaihruai a, Mizoram Police Raising Day atana 21st January, 1972 adopt a nih chhan leh Mizoram Police hmasawn chhoh dan te a sawi a ni. Pu SBK Singh IPS, DGF Mizoram chuan Mizoram police te chu crime investigation-ah in tuaithar tur leh technology changkang hmang tangkai tur te, drugs dona kawnga chak taka hmala tur leh police welfare ngaipawimawh turin fuihna thuchah a sawi a ni. Pu Jonn Neihlaia IPS, IGP(Hqrs.) chuan function a kal te hnenah lawmthu sawina neiin Mizoram police hmalakna hrang hrang leh hmasawna hrang hrang a tarlan pahin Mizoram police te thawhhona tha tak nei zel turin a chah a ni.
Tin, Mizoram Police hnuaia Unit leh Office hrang hrangah a lawmna hun hi hman a ni a, cleanliness drive leh recreational activities neih a ni. Hei bakah hian 1st Bn. MAP, 2nd Bn. MAP, 3rd Bn. MAP leh 2nd IR Bn. a Band Party te chuan anmahni Headquarters awmna khawpui theuhah te Band display an nei bawk a ni.
Mizoram (Mizo District tih thin) Union Territory a hlankai a nih ni 21st January, 1972-ah khan IGP Mizoram hmasa ber ni turin Pu Inderjit Verma chuan charge a la a He ni hi Mizoram Police din tan hunah pawm a ni ta a ni. Mizoram Police din tan tirh lai hian, Mizoram Police hnuaiah Unit pali (4) chauh ala awm a. Police Station paruk (6) awmin, Police mi leh sa zawng zawng pawh zahnih (200) bawr chauh an ni. Heng hunlai hian Armed Battalion hranpa din a ni lova, District pathum ah District Armed Branch an awm thin a ni.
Tun dinhmunah chuan Mizoram Police hnuaiah hian Police District 11, Sub-Division 18, Police Station 40, Special Police Station 3, Police Out Post 13 a awm tawh a ni. Armed Battalion 8 (MAP Battalion-3 leh IR Battalion-5) a awm a, Border Out Post 23 a awm bawk a ni. Heng bakah hian unit dang 6 a la awm bawk. Mizoram Police hnuaia post awm zawng zawng hi 12206 a ni a, he mi atang hian post 8634 chu hnawhkhah niin post ruak 3572 a awm mek a ni.
Kum kalta 2020 chhung khan Mizoram Police chuan thil chhinchhiah tlak thawh a nei nual a, chungte chu:-
1. Police thawhrimna avangin kum kalta chhungin Local Council Village Council inthlan, LADC lawmna pawh bo ruak muanawm tak hnuaiah neih a ni.
2. Mizoram chhunga Covid-19 hri a darn lohna turin Mizoram Police chuan chhuahin hna a thawk a, hemi atan hian police mi leh sa 3000 vel zet duty an ni.
3. Zokhawthar OP leh Dungtlang OP te chu Police Station puitlinga hlankai an ni a. Seling, North Kanghmun leh Lengpui Airport-ah te Police Outpost thar din tura notify tawh a ni.
4. Sualna leh pawikhawihna rapthlak, thinthawng leh pawimawh bik te chhuitu tur ‘Special Investigation Wing’ chu CID (Crime) unit hnuaiah ni 23.01.2020 khan din a ni a, ni 03.03.2020 ah official a hawn a ni. Computer. Mobile phone, internet leh social media kaltlanga sualna pawikhawihna (cyber crime) te chhui tur bik Cyber Crime Police Station chu CID (Crime) unit hnuaiah din a ni a. He police station hian ni 22.05.2020 atang khan hna thawk tanin ni 27-11.2020 khan official a hawn a ni.
5. Sports lama Sawrkar, Police leh Mizoram thalai ten hma kan sawn theihna turin Mizoram State Sports Council leh Mizoram Police chuan ni 24.07.2020 khan Deed of Agreement an sign a. He agreement-ah hian Mizoram State Sports Council chuan lsl Bn. MAP Football Ground, Armed Veng ah phullem (artificial fftotball turf) an phah anga, a kalpui RCC structure extension (building leh thil tul dang zawng zawng) an sa vek dawn a ni. He project atan hian Rs.46.35 crore ruahman a ni a, hna thawk tur hian Decor India - Complete Sports Solution, Guwahati chu thlan niin ni 26.02.2020 khan work order pek an ni a. Mizoram Chief Minister zahawm tak, Pu Zoramthanga chuan ni 30.07.2020 khan lungphum a phum a ni.
6. Ni 07.12.2020 khan Mizoram Police leh Mizoram University thawhdunna tur Memorandum of Understanding chu G.S. Arya Mess, PHQ ah sign a ni. He MoU hian pawngsual leh naupang chunga hleilenna lam case zirchiante, hemi lama a tuartu hmeichhia counselling pek te, police mi leh sa te tana computer zirna leh certificate pek te leh Mizoram police hnathawhna kawngah technical expertise lo pek te a huam a ni.
7. Mizoram sawrkarin a phal angin kum 20 aia rei constable tang tawh mi 161 te chu ni 23.06.2020 khan Honorary Head Constable a kaisan tir an ni.
