No.4406/2021-2022

Aizawl, 25th March, 2022 : High Level Drug Disposal Committee, Mizoram chuan Champhai Police in ruihhlo an man te chu ni 25th March, 2022 khan dan angin Incinerator, Trinity Hospital, Silaimual, Melthumah an halral. Ruihhlo halralte hi kum 2019 -2021 chhunga man te an ni. Heng a hnuai a tarlante hi an ruihhlo hal ral te chu a ni.

 

SI.

No

Drugs

Weight during inspection

Monetary value

1.

Pseudoephedrine

238.90 kgs

Rs. 8,68,46,000/-

2.

Methamphetamine

30.90 kgs

Rs. 93,24,30,000/-

 

TOTAL

269.80 kgs

Rs.1,01,92,76,000/-

(Hundred one crore ninety two

lakhs seventy six thousand)

 

Ruihhlo halral programme hi Pu Devesh Chandra Srivastva, DGP Mizoram chuan a hman pui a, a ni bakah hian Commissioner, Excise & Narcotics, Central YMA hruaitute, thuthar thehdarhtute leh Police hotute an tel bawk a ni.

Mizoram Police chuan ruihhlo dona kawngah chak takin hma a la chho mek zel a, kum 2022 March ni 24 thleng hian Mizoram Police te ruihhlo man chu a hnuaiah hian tarlan a ni.

 

 

 

Year

Name of Drug seized

Quantity

Value (in Rs)

No.of

case

regd

No. of person arrested

2022

Heroin

4.748 kgs

Rs. 23,74,00,000/-

35

40

Methamphetamine

23.593 kgs

Rs. 70,77,90,000/-

2

2

Codeine

64300 gms [643 bottles)

Rs. 96,450/-

2

3

TOTAL

i

Rs. 94,52,86,450/-

39

45

 

Khuallian Pu Devesh Chandra Srivastva, DGP Mizoram chuan ruihhlo hian rin aiin Mizoramah zung a kaih darh nasat avangin ruihhlo darh zel tur ven hi Mizoram Police te ngaihpawimawh ber pakhat a nih thu a sawi a. Dan kengkawh tuten ruihhlo dona kawnga hma an laknaah hian Mizo mipuite theihtawp chhuaha thlawp tlat tura sawmin, kohhran leh khawtlang hruaitute pawh Mizoram Police te hmalakna thlawp zel turin leh ruihhlo a lo rem zel theihna tura nasa zawka ke pen turin a ngen bawk a ni.

Ruihhlo bakah zu leh vaihlo zun a tang thalai naupang tak tak an tam thu sawiin, India ram State zinga thalai vaihlo bawih a tang tam berna kan ni chuan tan lak belh a ngaih zia a tarlang a ti a, kan thalaite hmelma chi hrang hrang hi do turin kan tan tlan a ngai a, sikul hawn a nih hunah pawh theihtawp chhuaha zirlai naupangte hnenah heng thiltha lo laka filhim tura zirtir hna hi kan kalpui a ngai dawn a ni, a ti.




Attachment

  • Loading attachment...