Inrinni(Dt 30.11.2019) khan Police Guest House, Silchar-ah Pu SBK Singh, DGP, Mizoram ruahhman angin Mizoram Police, Kolasib District a mi te leh Assam Police hotute chuabn  Co-Ordination meeting an nei a.

He Inter-District SP Level Joint Co-Ordination meeting-ah  hian State pahnihte paltlanga ruihhlo sumdawmia te, Inter-State Border-a dan bawhchhiatna te, ramri inkar buai vanga in nghirnghona thleng thei te, ramri a lirthei chesual leh ruang chhar thin chungchangah te thawhho dan tur an rel a. Ramri Police Station leh Out-Post ah te in biakpawh zung zung theihna turin Hotline dah. vek ni se tih leh Ramri District-a SP leh SDPO zawng zawngte awm khawmna tur WhatsApp group siam ni se an ti bawk a ni.

Mizoram aiawhin Pu Vanlalfaka Ralte, SP, Kolasib,leh Pu Ramtharnghaka, SDPO, Vairengte an tel a. Assam lam aiawhin Pu Manakendra Dev Roy, SP, Karimganj, Pu Rabindra KR Nath, SP, Hailakandi, Pu MJD Mahanta, SP, Cachar, Silchar, Pu Gaurav Kumar Agarwal, ASP, Border, Cachar leh Pu Jikirani Mahanta, DSP, DSB. te an tel a ni.