Vawiinkhan Champhai District AIDS Prevention Control Unit pualaaihin   Champhai-ah World Aids Day puala hun hman a ni. World AIDS Day hmanna hi Pi Lalrochami Ralte, MJS , Secretary,  District Legal Services Authority, Champhai chuan khuallian niin  a hmanpui a ni.

Pi Lalrochami Ralte chuan AIDS natna chu hriat chian lehzual angaih thu sawiin, AIDS chuan rethei leh hausa a thliar loh avangin   chhungkaw tinte min run thei reng a ni, a ti a.  India ramah Mizoram chu AIDS vei tam berna a nih thu leh ram dangah chuan AIDS natna a hniam hret hret laiin  kan ramah chuan a sang zawngin a la kal zel a, nasa taka hmalak niin AIDS hlauhawmna inzirtirna hun pawh neih fo a nih thu a sawi a.  AIDS do kawngah Kohhran,  khawtlang, Pawl leh Zirna In thlengin hma lak aanih thu a sawi a. Kum 10 kalta ah chuan HIV / AIDS hi ruihhlo inchiu thinteah a sang thin a, tunah chuan mi nawlpuiah a darh nasa a, ruihhlo tih vanga kai te aiin mi pangngaiin an kai tam tawh tih sawiin, mitinte kan fimkhur zual a ngai a ni, a ti a. Mipat hmeichhiatna hmansual vanga HIV kai hi za zela 67.11 lai an nih thu a sawi a, a vei te zinga za zela 65.6 chu tleirawl leh thalaite an ni, tih a sawi bawk. Kalkhawmwte chu mahni theuh ruihhlo leh mipat hmeichhiatna laka  invawng  tura chahin,   fimkhur lova kan awm mai mai chuan kan ram hma hun hi a thim hle dawn a, hma hun engtak kan ramin a neih theihna turin AIDS do kawngah  theihtawp chhuah turin mitinte a chah a ni.

World AIDS Day,   'Communities make the Difference'  tih thupui hmanga hun  hmanah hian  Dr. R. Lianmawia, DACO hnen atangin thusawi ngaihthlak a ni a. Dr. Sailianpuii, DPM, DAPCU chuan lawmthu sawiin hun a khar a ni.