Vawiin chawhnu hian Serchhip District Advisory Committee on School Safety te chu an chairman Pi Sangchhin Chinzah, Serchhip Bawrhsap hovin a pisaah an thukhawm a,  chhiatrupna a lo thlen palha district chhunga school te inbuatsaihna leh hmalakna te an thlir ho.

He meeting ah hian Disaster Nodal Officer Pu Denny Lalchhuanawma, MCS, SDC chuan School Safety chungchanga Disaster Management lam atanga hmalakna leh ruahmanna awm te, Disaster Respone Fund atanga zirtirtute School SAfety chungchang training neihpuina tur Rs. 50000 dawn a nih thute a tarlang a, chumi hnuah hmalak dan tur te sawi zui a ni. 

Meeting chuan, zirtirtute tana School Safety chungchang training hi a ranglama neih ni se an ti a, training naa topics tur leh resource person tur te pawh ruat nghal an ni. Tin, school building him lo leh chhe lutuk te hriat hmasaka thuneitu sang zawka thlen dan tur te leh, Fire & Emergency Services te nena tangkawpa kangmei laka inven dan inzirtirna kalpui dan tur te pawh an rel nghal a ni.

Meeting ah hian Pu Chuauhnuna, Addl DC, Pu PC Laltanpuia, Addl SP leh Advisory Committee members dang te an tel a ni.