No.3743/2021-2022
Aizawl, 20th January, 2021 : Mizoram Police Raising Day vawi 50-na lawmpui nan vawiin khan Pu John Neihlaia, IPS, IGP (Hqrs), Mizoram Police hnenah SBI Aizawl Branch Asst. General Manager Pi Sheryl L. Vanchhawng chuan Rs.3,00,000/- a hlan. Mizoram DGP charge la mektu Pu John Neihlaia, IPS chuan SBI-in an CSR scheme atangin Mizoram Police hnenah lawmpuina an pe chu lawmawm a tih thu leh SBI leh Mizoram Police te inkara thawhhona tha chu vawn nun reng an duh thu an sawi a ni.

Mizoram Police Department hian an main account pawh SBI-ah neiin Police Personnel-te pawhin an mamawh phuhru turin SBI atangin Housing loan leh Personal Loan te an la reng bawk a. Tunhma atang in venhimna leh thil tul apiangah Mizoram Police te hian SBI an tawiawmin an thawhpui tha hle thin bawk a ni.

SBI Aizawl branch hi Mizoram a SBI Branch upa ber leh lian ber a ni a. RBI Currency Chest an
enkawl avangin Aizawl khawpui chhunga ATM zawng zawng deuh thaw hi SBI Aizawl Branch-ina chawm an ni. SBI Aizawl Branch-ah hian Banking Transaction hrang hrang khawih a ni a; sorkar sum chevel (transaction) khawihin Aizawl South Treasury nen a inzawm bawk a. FOREX Business an khawih bakah Foreign-a pawisa thawn tur mimal leh sumdawnna atan pawh an thawn sak thei vek a. Importer leh Exporter te tan rate tha bik a pek thei bawk a ni. Foreign Currency hi 5 (panga) an kawl a, chungte chu US Dollar, British Pound, EURO, Australian Dollar leh Canadian Dollar te an ni.

SBI chuan Loan chi hrang hrang Sorkar hnathawkte tan a pek theih - Personal Loan, Car Loan leh Housing Loan te an pe reng a, Business loan hi tam tak an pechhuak reng bawk. Pensioner-te tan SBI Pensioners’ Loan an pe reng bawk a ni. Aizawl a sumdawng lian tamtak hi Aizawl Branch atang a loan la a bul tan an ni a. Aizawl Branch hi AGM enkawlna hnuaia awm a nih vangin loan sanction thuah a awlsam bik a. Hmundangah loan sanction tur a thawn ngai lovin Branch-a sanction zel a nih avangin loan lak tumte tan a awlsam bikin ni 2/1 chhungin loan te hi hmuh zung zung theih a ni. Aizawl Branch-ah hian Pensioners tam takin Account an nei a, loan te lain an hmang tangkai hle thin a ni. Account nei zawng zawng, Sorkar hnathawk kher lo tan pawh premium tlemte a Life Insurance Scheme hrang hrang a tih theih reng a ni bawk. Prime Minister Social Security Scheme hrang hrangte pawh tih theih reng a ni.