Vawiin chawhnu khan DGP Pu Balaji Srivastava chuan Mizoram Police Sports Meet Vawi 19-na, Mualpui-ah kharna hun a hmang a. DGP chuan thu sawiin, Mizoram Police Unit hrang hrangte Ni nga chhung, inlungrual tak a sports meet an nei chu lawmawm, a ti a. Mizoram Police Sports & Cultural Control Board in a Mizoram Police Sports Meet Vawi 19-na hlawhtling taka a buatsaih chu lawmawm a ti bawk a ni. Police Sports Meet hian Mizoram Police inkarah inlungrualna tha zawk, thawh hona tha zawk leh mahni invawnna lamah pawh hmasawnna a thlen a beisei thu a sawi bawk a ni. 

DGP Pu Balaji Srivastava chu Parade Contingent ten chibai bukin, Parade Commander hi Pu Lalsawta, Dy SP, CCTV a ni.

Mizoram Police Sports Meet Vawi 19 Results:

Pakhatna: Red Group (Gold -14, Silver-8, Bronze-11)

Pahnihna: Southern Range (Gold-13, Silver-12, Bronze- 21)

Pathumna: Central Range (Gold-12, Silver-14, Bronze-7)

Const. Lalbiakhlua, Police Headquarters Group chu Best Athlete (Mipa) niin, Gold-4, Bronze 1 a la a, IV Grd. Lalhmangaihzuali, 5^th IR Bn. chu Best Athlete (Hmeichhia) niin, Gold-3, Silver-1 a la a ni. Best Parade Contingent-ah Pakhatna Southern Range, Pahnihna 5^th IR Bn, Pathumna 3^rd IR Bn. te an ni.

Mizoram Police Sports Meet Vawi 19 naah hian sports discipline 19 ah intihsiakna neih a ni a, ni 5 chhung awh a ni.