Vawiin chawhma khan Sports & Youth Services Minister Pu Robert Romawia Royte hovin Mizoram sawrkar hotuten Civil Aviation Ministry Secretary Pu R.N. Choubey chu hmu in, February ni 10, 2019 atanga Jet Airlines ten Mizoram-a an service an tih tawp tur chungchanga hmalak dan tur a sawipui.

Minister chuan thlawhna service tih tawpin mipui tan harsatna siam a  nghawng thui tak a neih theih dan te hrilhin, hmalak pui turin a ngen a. Civil Aviation Secretary chuan hma lakpui nghalin India ramchhunga thlawhna service mek airlines dang 5 – Indigo, Vistara, GoAir, SpiceJet leh AirAsia te a be pawp nghal a ni. Mizoram-a an service theih dan tur ngaihtuah puiin, chak taka a lo bawhzui tur thu Pu R.N. Choubey hian a sawi bawk. Sports Minister hi Pu Lalnunmawia Chuaungo, Principal Secretary, Finance Department leh Pu Lalsawmvela, C.E, PWD ten an tawiawm a ni.