2633/2023-2024

Vawiin November ni 3, 2023 hiansorkar laipuia Ministry of Education hnuaia NCERT bultumin PARAKH State Educational Achievement Survey (SEAS)  buatsaih a ni. He survey hi pawl 3,6,9 zirlaite tan buatsaih a ni a, District tina School thlan chhuah 1602-ah survey hi neih a ni.

State Educational Achievement Survey neih zawh takah hian  Pawl 3 zirlai 10,752, pawl 6 zirlai 11,436, pawl 9 zirlai 11,580, an vaiin  zirlai 33,768 an tel a ni. SEAS-ah hian SCERT Mizoram chu implementing Agency an ni a, Samagra Shiksha Mizoram chu monitoring agency an ni. Field Investigator(FI) atan DIET, IASE, College leh  DIET atanga train chhuak tawh te hman an ni a an vaiin mi 1762 thlan chhuah an ni. He survey neihna atan hian PARAKH, NCERT buatsaih naupangte zawhna questionaire chu survey neihna school-ah te hian Field Investigator (FI) ten school tinah kengin an chhan zawh thlengin sikul ah awm a ni. An chhanna chu lakhawm nghal niin khaikhawm leh a ni dawn a, hei hian Mizo zirlaite ziak leh chhiar leh chhiarkawp a an pawl mila thiamna an neih dan a tarlang dawn a ni.

PARAKH, NCERT-in a buatsaih a zawhna awm te hi zirlai ten chhan nuam an tiin an hlimpui hle tih thu dawn a ni a, heng zawhna te hi PARAKH-in English in state tinah a thawn darh a, State hrang hrangin anmahni tawngin an lo siamtha leh a, Mizoram ah chuan SCERT-in Mizo tawnga lo letin survey ah hian hman a ni. Hetiang zawhna hi naupang tamtakin an chhan vawikhatna ani a, zirtirtute pawhin tha an tih thu an sawi bawk. Hetiang zawhna ang hi DIKSHA Mizoram portal ah Pawl 1 atanga Pawl 5 te chhan turin dah chhuah vek a ni. Hun lo kalzel turah zirlaiten an zirlai an thiam leh thiamloh tehchhuahna tur zawhna siam chung changah hmasawnna a thlen ngei beisei a ni.