Kum tam tak chhung Mizoram Anganwadi centre-ah te non-formal pre-school education lo kalpui a nih hnuin November ni 28, 2016 (Thawhtanni) atangin curricullum thar, Early Childhood Care & Education (ECCE) chu Anganwadi Centre zawng zawngah kalpui a ni dawn.

ECCE hi Integrated Child Development Scheme (ICDS) hnathawh pawimawh ber zing ami niin, State puma hman tur Curriculum erawh chu siam a la ni ngai lo a. Tunah chuan Mizoram puma Anganwadi Centre zawng zawngah a inang vekin syllabus mumal tak, "Theme Based Contextualized ECCE Curriculum" chu duan chhuah a ni ta a. Curriculum thar hmang tan thei tur hian State puma Anganwadi Worker te pawh training pek fel vek tawh an ni bawk.

ECCE Curriculum-ah hian theme 21 a awm a, theme pakhat hian ni nga zel awhin theme pakhat hi kar hnih zir zel tur a ni a. Naupangten taksa leh rilru lama hma an sawn theih nan an tih tur (activities) chi hrang hrang, an kum mil zel tura duan a ni a, a theih ang apiangah Mizo thawnthu, Mizo infiamna leh hla uar a ni a. ECCE Curriculum nena hman kawp tur hian lehkhabu pathum - Naupang Thawnthu & Nursery Rhymes, Activity Book Level-I leh Activity Book Level-ll buatsaih a ni bawk.