Pu John Rotluangliana, Minister Food & Civil supply etc,in a bial chhung khaw hrang hrang Tuirum, Khawhnai leh Hruaitluang khua leh Tuipuibari te a tlawh.

Minister Pu John Rotluangliana chuan a bial chhung khua a tlawhna-ah hian khawtlang hruaitute leh mipui hmaah thusawina neiin, ram hmasawnna tura khawtlang hruaitute nen lungrual taka thawhho a ni thin chu lawmawm a tih thu a sawi a, Sorkar hmasawnna leh hmachhawp hrang hrangte tarlangin Sorkar flagship programme NLUP chu mi harsa leh chawikan ngaite dawm kan nana tha ber a nih vangin sem chhunzawm zel a ni ang a ti. He tanpuina dawng lote tan pawh NEDP hmangin hmalak zel a ni dawn a ni a ti a, bial chhung khuate chu ram ngaw depa awm an nih avangin ramngaw tichereutu nilova humhalh tlat turin a chah bawk a ni.

Minister chuan kawngpui sial hna thawh mek avangin kan kawng zawh mekte a tha lo a ni tih kan hria a, hei hi dawhthei taka nghak hram hram tur leh kawng tha leh zau zawk kan neih theihna tur a ni a ti. Buhfaiah pawh tun dinhmunah thlaphanna tur a awm lo a ni a ti bawk.

Sorkar hmalakna tarlan zingah thalai hna neilo te tan youth commission hmalakna in Mizoram pawna hnathawk turin thalai sangthum chuang tirh chhuah an ni tawh a, nakumah hian Eng(current) lama kan harsatna tih ziaawmna turin Tuirial megawatt 60 siam thei pawh hawn tum a ni a ti, Kum 2019 ah Sairanga rel lo thleng tura rel kawng sial mek a nih thu a sawi bawk.

Minister Pu John Rotluangliana hi Mamit-a Department hrang hrang hotute’n an tawiawm a ni.

Bialtu Minister hian naktuk hian a bial chhung khaw hrang hrang a fan chhunzawm leh ang.