Mizoram Bank thang duang tak Rural Bank, Treasury Square Branch chuan vawiin chawhma dar 11:00 khan MJA Building a an office thar hawnna neiin Aizawl Deputy Commissioner Dr. Franklin Laltinkhuma, IAS in a hawng.

Mizoram ah Bank engemaw zat awm tawh zinga Mizoram Rural Bank chu Bank rintlak tak an nih chhoh zelna ah lawmthu hrilh in khuallian Aizawl District Bawrhsap chuan Bank thenkhat kum 2/3 lai office hawng tawh si loan cheng khat pawh la pe chhuak thei lo te an awm a, thawktu tlem te nei chunga MRB Treasury Square ten pawisa dahtu leh puktu thahnem tak an nei chu lawmpuiin tha thlah lova tang zel turin a fuih. DC chuan mithenkhatten loan an rulh that loh avangin harsatna a awm thin a, loan puk mamawh ve midangte tan harsatna a siam thin avangin loan puktute chu rinawmna vawng reng turin a ngen a. Rural Bank chu Mizoram sorkar ta a nih angin sorkar hnathawkte pawhin hmang tangkai zel turin a ngen nghal bawk a ni.

Programme kaihhruaitu Pu P.L. Chhuanthanga, Regional Manager, Mizoram Rural Bank chuan MRB chuan Mizoram kaihza veng a Mizo mipuite tana an lo thawh dan report a pe a. Thir thingrem nen in pu kual thin tunah building tak tak luah thei a an awm chu an Bank hmang tangkaitute leh thawktute thawhrimna vang a ni a ti a. Zoram mipui leh sorkar tan MRB chuan theihtawp chhuah zel an tum thu a sawi nghal a, MRB Treasury Square Branch report a pe nghal a ni. Treasury Branch MRB hi 24th September, 2007 ah din tan a ni a. 1st January, 2015 a thlenga report chu hetiang a ni. Thawktu zat - 4 ; Pawisa dahtu zat - 6723 ; Pawisa buktu zat - 980 ; Pawisa dah zawng zawng - 194754 ; Pawisa puk zawng zawng - 119245 ; Pawisa dah leh puk zat - 310655.

Hawnna programme ah hian Pu Gautam Sen Gupta Chairman, Mizoram Rural Bank pawhin thu sawiin, hunserh Rev. C. Lalengmawia, Tuikual Aizawl chuan hmangin Pu C. Lallungmuana Branch Manager, MRB Treasury Square in lawmthu a sawi a ni.