Vawiin khan Vygyan Bhawan, New Delhi-ah Ministry of Rural Development chuan Jan MGNREGA mobile app, Grameen Internal Audit Portal (GRIP) leh PMGSY hnuaia Grameen Sampark monthly publication launch pahin a division hnuaia, scheme hrang hrang MGNREGA, Rural Housing(IAY/PMAY), Shyama Prasad Mukherji Rurban Mission(SPMRM),Pradhan Mantri Gram Sadak Yojana(PMGSY), DDU-GKY, DAY-NRLM, NSAP leh hmalakna  danga thawk thazual state te  hnenah lawmman a sem a.

Rural Development Department, Mizoram pawhin scheme pahnih SPMRM leh IAY/PMAY hnuaiah chawimawina thilpek leh lawmpuina thuziak  a dawng a. Mizoram aiawhin Pu Paul L. Khuma,Under Secretary & Nodal Officer(SPMRM & IAY/PMAY) chuan lawmman hi Union Rural Development Minister Pu Narendra Singh Tomar hnen atangin a dawng a ni.

MIzoram chuan SPMRM ah hian, outstanding performance(in the category of North East States) under Phase-1 a dawng a. IAY/PMAY hnuaiah pawh Mizoram chu  State hna thawk tha tha zual thlan chhuah sawmpahnih zingah a tel leh a. Hetah hian Mizoram sawrkar hmalakna chu  impressive performance ah puan  niin Gold Award a hlan a ni.