3758/2024-2025

Dated Aizawl, the 10th January, 2025: Vawiin chawhnu khan CM Conference Hall ah Mizoram Science, Technology & Innovation Council Governing Body chu an chairman Pu Lalduhoma, Chief Minister hovin an thukhawm.

Er. H. Lalsawmliana, Chief Scientific Officer & Member Secretary, (MISTIC) chuan tun hnaia an hmasawnna leh hmachhawp an neih tlangpuite a tarlang hmasa a:

1. MISTIC hian Research & Development (R&D) hmalakna hnuaiah nikum khan Lungleiah Science Centre leh Planetarium an hawng a, Khawzawla KVK hmunah Solar Cold Storage, Ton 10 dah theihna, Aizawl atanga control theih an bun a, 4-Color Web Offset Press, Phunchawngah hawn mai theihin an peih tawh a. Mizoram Biotechnology Centre, MINECO ah an sa mek a, Selinga Food Testing Lab tihchangtlun hna an thawk bawk. Heng bakah hian R&D hnuaia hmalakna dang tam tham tak an nei.

2. Innovation Facility Centre hmalaknain Innovation (Thil thar chin chhuah) Promotion hmun engemawzatah an kalpui a. Workshop te, training leh exhibition te, Innovator meet te an buatsaih a. Innovators te an tanpui a, intihsiakna te leh Industry tlawhna hun te pawh an buatsaih thin.

3. Patent Information Centre hnuaia an hmalakna atangin Intellectual Property Right; patent 5, trademark 20, geographical indications 5, copyright 9 leh design 1 pawmsak (grant) an ni tawh.

4. Climate Change Knowledge Management hmalakna te, Technology deployment te, Science lam chawi larna te, Institution leh Human capacity building lam hmalakna te an kalpui bawk.

Vawiina meeting hian Mizoram state Intellectual Property Right Policy te, Science, Technology & Innovation Policy chungchang te leh an inrelbawlna thil pawimawh dang te a sawiho a ni.

Dr. Kenneth Chawngliana, Vice Chairman, Mizoram State Planning Board leh MISTIC Governing Council member dang te an tel a ni.