No.1024/2020-2020

Nimin May 11, 2020, National Technology Day denchhena Mizoram Science, Technology & Innovation Council, Directorate of Science & Technology ten an siamchhuah, kut hmang lova ke chauh hmanga tui on leh off theihna hmanrua chu Mizoram Secretariat Office, Mizoram New Capital Complex kawta kut silna hmunah bun a ni a. He office-a thawktute leh mipui a dawrtu ten kut an silfai apiangin kut hmang kher lovin kein tui an herh haw thei tawh dawn a ni.

He khâwl hawnna hun tawi te hmannaah hian Dr. R.K. Lallianthanga, Chief Scientific Officer chuan thu sawiin, tun COVID-19 hrileng laka invenna kawngah hian kan fimkhur deuh deuh a la ngai dawn a, invenna kawng khat atan he khâwl hi a \angkai hle dawn a, a siam ve duh tan a siam dan kawhhmuh theih reng a nih thu a sawi.

He khâwl hi Pi Hualsangi, Secretary, SAD chuan a hmang hmasa ber a, Secretary ngenna ang hian vawiin May 12, 2020 khan Secretariat-a kut silna hmun dangah te khawl hi vuah belh nghal a ni.