No.1023/2020-2020

Vawiin khan Union Minister of Tribal Affairs Shri Arjun Miunda hovin state tin Cooperation Minister ten video conference kaltlangin Van Dhan Mission kalpui dan tur sawi ho a ni.

Video conference-ah hian Co-operation Minister Pu C.Lalrinsanga chuan Mizoram district 8-ah Vandhan Vikas Kendra (VVK) 44 din a ni a, member 13,200 an awm thu a sawi a. May ni 4, 2020 khan State Implementating Agency- Cooperation Department-ah Rs 5,81,55,000/- pek chhuah a nih thu a sawi bawk a. VVK pakhat-ah Self Help Group 13 vel an awm a, Vikas Kendra kaihhruaina angin VVK pakhat buatsaih nan Rs 100,000/- hman a ni, tiin a sawi a. COVID-19 avanga ram chhunga inkharkhipna kalpui chuan hmalakna duh angin a kal chak loh thu Minister Pu C.Lalrinsanga chuan a sawi a ni. Van Dhan Mission hian ram chhunga lo nei ten non-timber forest products atanga sum an hmuh theih a rin thu leh COVID-19 vanga ei leh bar thawhchhuah kawnga harsatna an neihte chu minimum support price hmanga sawrkarin a dawm let theih a rin thu Minister hian a sawi a ni.

Van Dhan Mission hi Mizoram-ah ni 23.01.2020 khan hman tan a ni a, Self Help Groups 660 an awm a, tribal entrepreneurs 5100 vel an awm bawk a ni.