1936/2024-2025

Aizawl the 6th September, 2024 : Mizoram Secretariat, MINECO-a Department hrang hrang ten an closed file dah ṭhatna tur 'Record Room' chu vawiin khan Dr. Renu Sharma, IAS, Chief Secretary chuan a hawng.

He hun hi Department hrang hrang Administrative Head ten telpuiin, Pu Vanlaldina Fanai, ICAS, Comm. & Secy., GAD chuan Record Room buatsaih a nih chhan te a sawifiah a. Record Room hi Secretariat Building hmun thumah siam a ni. Department hrang hrang ten an closed file tih riral chi si loh an neihte hi dah ṭhatna tur mumal an neih loh avangin harsatna an tawh phah fo a. Tuna a bul ṭanna atana Record Room siam te hi an ṭangkaipui hle dawn a, hun lo kal zelah pawh changtlung lehzuala hmalak chhoh zel tum a ni.