No.3408/2021-2022

Aizawl 15th December 2021: Home Minister Pu Lalchamliana chuan vawiin khan Mizoram Secretariat Service Association General Conference vawi 16-na ATI Auditorium, MINECO-ah a hmanpui.

Home Minister Pu Lalchamliana chuan Mizoram Secretariat Service Association (MSSA) hnathawkte chu Sawrkar inrelbawlna hrang hrang – Secretariat, Department-ah te leh District-ah mi pawimawh tak an ni a, sawrkar file noting ziaktu pawimawh leh hotute thurawn pe tu an ni a ti a. MSSA member te hi mizo in sak a banpui dotu paiwmawh tak ‘thawmmawl’, an ni a ti a. Sawrkar finchhuahna kawngah leh Sawrkar tawiawmtu na nihna te hre renga thapui thawh hnaa an inpekna tichaka belhchhah zel turin a chahin a ngen a.

Sawrkar hna chu hlawh lakna atan chauha ngai lova an thawh chhan ber mipui tana rawngbawl ani tih chu hre reng tura chahin Home Minister Pu Lalchamliana chuan khawpui mite leh thingtlang lam atanga anmahni dawr tura lokal te chu dimdawi a, tha taka lo dawngsawng a, Mizoram mipuite rawngbawl sak zel turin a ngen a ni.

Home Minister Pu Lalchamliana chuan sawrkar hnathawk tih inhre reng a, tu pawhin sawrkarna changse ‘neutrality’ vawng reng turin leh sawrkar hnathawk zingah Social Media hmanga sawrkar policy sawisel an awm thin chu pawi a tih thu leh, service conduct rules pawhin tih loh tur a tih zingah a telh tih hre reng a, India dan puiin Fundamental Rights a sawi zinga Freedom of Expression hmang thiama, fimkhur zual turin sawrkar hnathawk zawng zawngte a chah a ni.

Conference chawhma session hi Senior Vice President, Pu Lalrinsanga, Additional Secretary, DP&AR (GSW), H&TE in kaihruaiin, Pu Zahmingthanga, General Secretary hnen atangin Report ngaihthlak a ni a. Chawhma session hi Pi Betsy Zothanpari Sailo, Vice President in lawmthu sawiin he hun hi a khar a ni.

Chawhnu session a Technical Session hmangin hruaitu thar thlanna an nei bawk a ni.