Mizoram Sericulture Service Association chuan vawiin khan Sericulture Directorate Conference Hall, Aizawl-ah an Association khawmpui vawi 39-na an hmang a, Sericulture Minister Dr. K. Beichhua chuan khuallian niin a hmanpui.

He hunah hian khuallian Dr. K. Beichhua chuan thu sawiin Association hminga chhiatni thatni ah te, promotion leh pension chungchang bakah service matters leh thil hrang hrangah nasa taka hma an la thin chu thil lawmawm tak a ni a ti a, kum 1 emaw lek an in enkawl chhungin amah pawhin a theih ang anga hma a lak thu leh Central Silk Board thlengin a zuk dawr tawh thu a sawi a, hmalam pan a hma an sawn zel tur thu a sawi a ni. Sericulture department hnuaia officer te chu tam tak nilo mahse quantity aiin quality hi a tha zawk a, mi pahnih khat in ram hi an siamtha in an siamthalo thei a ni tih hre tura chahin hnathawh rah tha chhuah tur neih that hi a pawimawh ber a ni a ti a. Department chhunga thawhhona tha siamtu nih theuh tum tura chahin, nitin intuaithar zel turin a fuih bawk a ni.

Mizoram Sericulture Service Association hian chawhnu lamah Department leh an service kaihhnawih thilpawimawh chi hrang hrang an rel a, hruaitu thar an thlang bawk a ni.