2369/2026-2027

Dated Aizawl, the 25 September 2026: Vawiin khan  Mizoram State Commissioner, Persons with Disabilities Pi Vanlaldiki Sailo hovin  Accessible India Campaign Audit Team-te chuan, Lengpui Airport leh Lengpui Community Health Center-te chu Rualbanlote tan awlsam zawka thlen zung zung theih a nih leh nih lohte Access Audit neiin an endik.

Ram chhung hmun dangte rualin Mizoramah pawh Access Audit, Accessible India Campaign hi kalpui mek zel a ni a. Campaign chhung hian Mizoram-a District zawng zawngahte Commissioner leh Audit Team-te chuan building pawimawh leh vantlang hmunte chu Rualbanlote tan thlen zung zung a remchan leh remchan lohte tlawh chhuakin an endik thin a ni.

Rights of Persons with Disabilities Act, 2016 in rualbanlote hamthatna tura a duan pakhat Access Audit (Accessible India Campaign) hi India Sawrkar chuan a ngai pawimah em em a. He dan hian Rualbanlo - Wheelchair hmang, mitdel leh a dangten mipui punkhawmna leh vantlang building hrang hrang, Biak In, Sawrkar In, Zirna In leh a dangte awlsam taka an thlen ve theih nan ruahmanna siam tur thupek khauh tak a siam a. Hemi bawhzui hian Audit Team te leh Rualbanlo thenkhatte chuan heng hmun hrang hrang hi a hmunah kalin an endik ta thin a ni.

Vawiina Lengpui Airport leh Lengpui Community Health Center-te endik tur Audit Team-ah hian State Commissioner for PWD hotute bakah Public Works Department leh DIPR aiawh te, mithiam sawm bikte leh Rualbanlo Pawl hrang hrang aiawhte an tel a ni.