Vawiin January 18, 2013 hian MSCU Board of Directors Meeting pawimawh tak MSCU President Pu Lalnunsanga kaihruaiin neih a ni. Chief Executuve Officer, MSCU, Member Secretary-in Agenda an neih te chu hneh takin a sawifiah thin a ni. Mizoramah hian State Level Society 10 awmin an aiawhte an kal theuhva; Registrar 0f Cooperatives, Director, I&PR leh Controller, P&S te aiawh an kal kim thap bawk a ni.

April 30, 2012-a an meeting thu pass 12 te RCS-in a pawmpui vek avangin lawmthu an sawi a; International Year of Cooperative (IYC) 2012 leh All India Cooperative Week vawi 59-na an hman chungchang thlirletin, District leh thingtlang lama an hmanthat viau laiin, Aizawlah Society member te an kal tha tawk lo hle tih sawiin, tun hnuah chuan MSCU lamin conduct se a that zawk ngei an beisei thu an sawi.

Mizorama Cooperative tihchakna turin Project project lian tham tak siam a ih thu an sawi a; National Cooperative Union of India (NCUI) in 2012-2013 chhunga Training-na atan Rs 450,000 an rawn sanction chu tangkai taka Aizawl leh District dangah Training kalpui tumin hma an la bawk.

MSCU hnuaia thawktu (Staffs) te hlawh pawh enthat remtih a ni. All India Cooperative Week lawmna tur Budget-a khung tel ngei turin Sorkar an ngen bawk a ni.

Cooperative Society hi thahnemngai taka beihna hmunah mipuite harsatna sukiangtu, mi retheite hmasawnna thlentu a nih avangin Sorkarin a ngaih pawimawh chuan ram mipuite tan chhenfakawm tak a ni dawn tih an sawi bawk.