Vawiin hian Registrar of cooperative Societies (RCS) meeting Hall, Aizawl-ah Mizoram State Cooperative Union Board of Directors meeting pawimawh tak neih a ni a. Meeting hi Pu Lianthangpuia, President, MSCU-in a kaihruai a ni.
Pu Lianthangpuia chuan Cooperative Society hmasawnna tura theihtawp chhuah thintu members lo kalkhawmte chungah lawmthu a sawi a. Kum 2017 Cooperative Week hlawhtling taka hman anih chungchangah member te chungah lawmthu a sawi bawk a ni.
He meeting-ah hian Mizoram-a Cooperative Societies ten kawng hrang hranga hma a lo sawn zawk theihna tura sawiho niin Federation tana Cooperative Bhavan, Secretariat Complex-ah ngaihtuaha hmalak nise tih te, Primary Society leh State Level Society te, Category ‘B’ chin chunglam profit divident atanga 2 percent, Cooperative tihchangtlunna atana circular a lo chhuah chu a zau thei ang bera Societies/Federation-ah hriattirna chhuah nise tihte leh Mizoram Cooperative, Apex Bank-ah share lei belh nise tihte rel a ni bawk.
He meeting-ah hian members te an kal tha hle a ni.
