Tourism Department bultuma nithum awh Winter Festival, 2017 (23rd – 25th November, 2017) neih tur chungchang sawiin vawiin khan Tourism Department leh sorkar department hrang hrang hotu te chu Tourism Secretary Pu Sangdingliana hovin a pisaah an thukhawm.
Vawiin thutkhawmnaah hian Winter Festival atana chanvo nei department hrang hrang te hmalakna te ngaihthlaka sawiho a ni a. Item hrang hrang bakah a hmandan tur kimchang sawiho a ni bawk.
Winter Festival hi ni thum : 23rd – 25th November, 2017 chhungin Tuirial Airfield-ah hman a ni dawn a. 23rd November, 2017 chhun dar 12-ah Festival hawnna hun neih a ni anga, Pu R.Lalrinawma, Deputy Speaker in a hawng ang. 24th November, 2017 ah chhun dar 12 atang hun hman tan leh a ni anga, a tuk 25th November, 2017 chhun dar 12-ah Festival kharna hun hman tur niin Pu John Rotluangliana, Minister, Tourism Department in khuallian niin a hmanpui ang. He Festival-ah hian hnam lam en tur leh zai ngaihthlak tur a awm dawn bakah Hot Air Balloon, Powered Hangglider, Archery, Rifle shooting, 17th MIMSA Racing Championship, Arrowmodelling Display, Paint Ball, Food Court, Kids Play Area, Carnival- Photo Booth, Handloom & Handicraft Exhibition leh Live music te buatsaih a ni ang.
