Vawiin khan Pu V.L Robiaka, Chairman ZIDCO, Bialtu MLA Dampa chuan Dinthar Community Hall, W. Phaileng-ah W. Phaileng Bolck huam chhunga Bird Eye Chillies Growers Society buatsaih General Body Meeting Cum Training neih chu khuallian niin a hmanpui a, Dr H. Saithantluanga, Mission Director, Mission Organic Mizoram chuan khualzahawm niin a hmanpui bawk.

Pu V.L Robiaka Bialtu MLA chuan kuthnathawktu kalkhawmte chu rinawm leh taima taka thawk turin a chah a, a bik takin hmarcha chingtute chu an thlai chinah hlawhtlinna a awm a ni tih hre renga thawk turin a chah a ni. Sawrkar atanga tanpuina kan dawnte pawh a nihna tur ang takin kan hmang tur a ni a ti. Hmarcha chingtute tana hmalakna chu a bultanna chauh ala nih avangin tunah tam tak thar chhuak nghal lo mah ila kan hma lam hun atana tan lak sauh sauh a pawimawh a ni a ti.

He hunah hian W. Phaileng Block huam chhunga Hmarcha chingtu mi thahnem tak an tel a ni.

Pu V.L Robiaka, Bialtu MLA hian kum 2018 KTP General Conference hmanna tur Pandal sak mek chu a hmunah tlawhin, W. Phaileng khawchhung kawng PWD in an metal mek chu a en nghal bawk a ni.