Mizoram Sawrkar hmalakna-a Mizoram State Games Ni 9-13 December, 2019 chhunga neih turah Mamit Assembly Constituency Organising Committee chu an Chairman Er H. Lalzirliana Bialtu MLA hovin vawiin khan I&PR Conference Hall, Mamit-ah inbuatsaihna hrang hrang thlirin thutkhawm a ni.

Meeting-ah hian Er. H. Lalzirliana chuan kan hmalawka Mizoram huap State Games kan neih turah Mamit Constituency aiawha tel turte duhsakna hlanin theihtawpchhuah turin a sawm a, Discipline hrang hranga Incharge te chu a theih ang anga inbuatsaihna kalpui turin a chah bawk a ni.

Vawiin thutkhawmah hian Mizoram State Games lo awm turah Mamit Constituency aiawha Items tel theihna tur Discipline hrang hrang incharge te'n an thehluh tawh chu thlirho a ni a. Discipline hrang hrang 15 chhawpchhuah bakah hian Chess bikah tel theih a nih dawn vangin Incharge ruat fel nghal a ni. Tichuan Mamit Constituency aiawhin Discipline hrang hrang 16 - Aquatic, Arm Wresling, Athletic, Badminton, Basketball, Boxing, Indigenous, Football, Shooting, Table Tennis, Taekwondo, Tennis, Tug of War, Wrestling, Volleyball leh Chess-ah te an tel theih dawn thu tarlan a nia. Hetah hian Participants Mipa 100 leh Hmeichhia 41 an awm mek a ni.

Meeting-ah hian Discipline hrang hranga incharge-te chuan an hmalak dan leh an thlen chin report pek a ni a. State Games atana Jersey chungchang, kaldan tur leh Aizawl lama thlenin tur chungchangte sawiho a ni bawk.  Items tina Incharge te hi an sum mamawh zat a ranglamin Secretary, Mamit Assembly Constituency Organising Committee-ah thehlut tura hriattir an ni bawk a ni.

Meeting-ah Mizoram State Games 2019, Mamit Assembly Constituency Organising Committee Members-te an tel a ni.