Mizoram State Games, ni 9 - 13, December 2019 a Aizawl-a neih tur chungchang sawihona ni 22/11/2019 khan Taxation Hall Aizawlah Sports Minister Pu Robert Romawia Royte kaihhruaina hnuaiah MLA teleh an Aiawhtebakah Sports Association Presidents te,State Level Monitoring leh Organising Committee Members ten an sawihova. He meeting-ah hian MLA engemawzat leh an aiawhte MLA bialtin atangin an kim vek a ni.

Inkhawmkaihhruaitu Sports Minister chuan MLA teleh an Aiawhteleh Association aiawhte lawman thusawiin Mizoram State Games pawimawhna hria a phur taka an bialtheuha an zavaia tan an laknate chu lawmawm a tih thu a sawi a. State Games atan Zoram thalai leh infiammite an phur avangin Sorkar aiawh pawhin lawmthu a sawi bawk. Minister chuan Hnam bil emaw,Pawl bil hming emawa punkhawm ang nilovin hnamtin pawltin huapa intawhkhawmna tur State Games hian Zoram dung leh vanga thalaite nasa taka atih pumkhat tur thu a sawi bawk.

Pu H.Lalengmawia IAS,Secretary Sports & Youth Services;State Games Organising Committee Chairman ni bawk pawhin thusawiin Mizoram State Games lo awm tur chu Council of Ministers thutluknaa buatsaih tur anih thu leh Mizoram Sorkar leh Central Sorkar tanhonaa buatsaih tur a nih thu a sawi a. Game 32 awmin event 221 zet a awm dawn a, Zoramin State puitling anih hnua a hmasaber tur anih thu a sawiin MLA zawng zawngte an phur avangin a hlawhtling mek tawh a ni a ti.

MLA engemawzatin zawhnate zawtin rawtnate an nei a. Sawitu engemawzatin State Games inbuatsaihna avanga an biala ruihhlovin a kiam phah thute sawiin tihtur tam tak awm mahse theihtawp an chhuah thu an sawi hlawm a ni.

He meeting hian a hnuaia tarlan ang hian thutlukna an siam a ni.

(1) Mizoram State Games 2019 Sorkarin sum tam tak senga a huaihawt tur hi lawmawm kan ti a,hun remchang awmchhun anih avangin a hun ruatsa Dec 9-13 2019 a Aizawla neih tura ruahmanna chu lungrual takin an nemnghet a ni.

(2) MLA Bial harsa bik engemaw zat te tan Selection/Trial atana Rs 50,000/- pek tawh bak kha sum awmdan a zirin pekbelh nise; Organising Committee in bituk se. State Games hlawhtlin nan a District tina DC te hnena Rs 40,000/- pekchhuah mek chu district chhunga a rem ang anga hma an lo lak ve na tur anih thu sawichian a ni a, Constituency Committee puihnan pawh sum a awm chuan hman theih nise ti a rel a ni bawk.

(3) Players leh Officials te tana nitin Rs 350/- DA chu tam tawkah kan ngaia, Constituency Level Commitee te hnenah Players zat milin release thin nise an ti.

Engemaw tulna bik avang anih loh chuan competition atanga tlak hnuah Players te cham zui an tam hmel lohva. Tulna avanga chamzui te DA pawh sum awm dan azira pek ve nise tih a ni.
(4) Aizawla thlenna chu Constituency Level Committee te mawhphurhna a nih angin Bial tam zawk chuan Thlenna hmun an tihfel tawh thu report a ni a,engkimah mawh an phurh tur thu chu nemngheh a ni.

(5) Local conveyance chu State Organising Committee ten an ngaihtuah vek thei dawnloh thu ngaihthlak a ni a.Mahse tulbiknaah chuan sum awm dan azirin tanpuina pek theih nise tih a ni bawk.

(6) Players te TA chu an kawtkai atanga chhutin Sumo/Bus rate a  MLA Constituency Level Committee ah pek a ni ang.

(7) Players leh Officials zawng zawngte tan Organising Committee in Games T.Shirt a sem vek dawn a, chu chu Opening Ceremony ah hak vek nise tia rel a ni bawk.

Hengte baka tih ngaite chu State Level Organising Committee te leh Constituency Level Committee ten anmahni zawnah lo rel zel se tiin rel a ni bawk.

He meetingah hian he State Games atan Rs 250 lakh chu kuta kawl mek anih thu report a ni a,Central sorkar atangin sum beisei belh mek anih thu report a ni bawk.

Mizoram State Games thla leha neih tur chungchang ngaihtuaha meeting vawiina Commissioner of Taxes Conference Hall, MINECO, Aizawl-a neihah he thu hi Pu Robert Romawia chuan a sawi a. Meeting-ah hian MLA Constituency hrang hranga MLA te leh Consituency aiawhte bakah Organising Committee peng hrang hrangte, Sports Discipline hrang hrang aiawhte an tel a. Tun thlenga inpuahchahna neih tawh leh Games hlawhtlinna tura tihtur tamtakte an rel ho a ni.

Pu Robert Romawia Royte, MOS for Sports & Youth Services chuan, tun tuma State Games hian Consituency tin a huap vek avangin a ropui danglam hle dawn a, Sports ah hian Mizoram dinhmun diktak hre chiang a, National Level a in vawrh chhuah theih dan tur ngaihtuahna hunpui pawimawh tak a ni dawn a. Mizo infiam mite hi National Games ah leh Olympic-ah te invawrh chhuak tura tan kan lak a ngai a ni ati a. Sports policy kan neih dawn tak bakah hotute hmalakna in MLA Fund pawh Sports atan direct-a hman theih tunah chuan a ni dawn ta a, hei hian Sports hmasawnna a tizual hle dawn a ni, a ti.

Pu H.Lalengmawia, Secretary, Sports & Youth Services chuan, mizote zingah hriselna a tlahniam chauh ni lovin khawtlang sualna leh thatchhiatna ten min eichhiat mek laia thalaite kawng dika hruaina tur rilru leh taksa puahchahna hun tha tak State Games, sorkar-in a duang chhuak hi a lawmawm takzet a ni, tiin a sawi bawk.

Mizoram State Games hi State puitling kan nih hnua a hmasaber tur niin Infiammi leh Officials 10,000 vel pung khawm tura beisei a ni a. Sports Discipline hrang hrang te inkhelh ni leh khelhna hmun turte,dan leh hrai hman turte chu Technical Handbook sem darh tawhah tihchian vek a ni tawh a, Games chungchanga hriat duh nei tan Mizoram State Games Office, Directorate of Sports and Youth Services, Building, MINECO near MPSC Office ah a zawh fiah theih a ni.