Vawiin chawhnu khan Circuit House Conference Hall, Lungleiah Agriculture etc changtu Minister leh bialtu MLA ni bawk Pu C. Lalrinsanga hovin Mizoram State Games 2019 neih tura Lunglei West MLA Constituency Level Committee Meeting neih a ni.

Agriculture Minister Pu Sangtea chuan December 9-13, 2019 chhunga Mizoram States Games 2019 buatsaih tum a nih chhan te, State Games vawi thumna neih turah a bial ten result duhawm tak an neih theihnan theihtawp chhuah a hma an lak tur thu sawiin hmun kilkhawr zawka talent inphum rute haichhuah a nih ngei a beisei thu sawiin committee member te chu hmalakpuiah a sawm a ni.

He meeting-ah hian States Games 2019 kalphung tlangpui Pu C. Lalremsanga, District Sports & Youth Officer hnen atangin ngaihthlak a ni a, Contituency anga hmalak chhunzawm dan tur ngaihtuah ho niin Infiamna chi hrang hrang tel theihna awm chi leh mawhphurhna chanvo latu turte ruat fel a ni bawk.