Mizoram State Games, thla leh ni 9 - 13, December 2019 Aizawl-a neih tur chu mizote leh thalaite infiam mi za tamtakte tana hmasawnna ropui tak a ni dawn a ni, Pu Robert Romawia Royte, Sports & Youth Services Minister in a ti.

Mizoram State Games thla leha neih tur chungchang ngaihtuaha meeting vawiina Commissioner of Taxes Conference Hall, MINECO, Aizawl-a neihah he thu hi Pu Robert Romawia chuan a sawi a. Meeting-ah hian MLA Constituency hrang hranga MLA te leh Consituency aiawhte bakah Organising Committee peng hrang hrangte, Sports Discipline hrnag hrang aiawhte an tel a. Tun thlenga inpuahchahna neih tawh leh Games hlawhtlinna tura tihtur tamtakte an rel ho a ni.

Pu Robert Romawia, MOS for Sports & Youth Services chuan, tun tuma State Games hian Consituency tin a huap vek avangin a ropui danglam hle dawn a, Sports ah hian Mizoram dinhmun diktak hre chiang a, National Level a in vawrh chhuah theihd an tur ngaihtuahna hunpui pawimawh tak a ni dawn a. Mizo infiam mite hi National Games ah leh Olympic-ah te invawrh chhuak tura tan kan lak a ngai a ni ati a. Sports policy kan neih dawn tak bakah hotute hmalakna in MLA Fund pawh Sports atan direct-a hman theih tunah chuan a nid awn ta a, hei hian Sports hmasawnna a tizual hle dawn a ni, a ti.

Pu H.Lalengmawia, Secretary, Sports & Youth Services chuan, mizote zingah hriselna a tlahniam chauh ni lovin khawtlang sualna leh thatchhiatna ten min eichhiat mek laia thalaite kawng dika hruaina tur rilru leh taksa puahchahna hun tha tak State Games, sorkar-in a duang chhuak hi a lawmawm takzet a ni, tiin a sawi bawk.

Mizoram State Games hi State puitling kan nih hnua a hmasa ber a ni dawn a. Games 32 awmin Event 221 a awm dawn a, December ni 9-ah Lammual-ah hawn a ni ang a, Lammual, Rajiv Gandhi Stadium, R.Dengthuama Hall leh Aizawl khawpui-a Hall leh khelmual hrang hrangah te inelna neih a ni ang.

Attachment

  • Loading attachment...