Superintendent of Police, Traffic, Aizawl chuan vawiin ni 22.11.2019 hian mipui vantlang awlsam zawk nan Temple to Vaivakawn Road siam tur chungchangah a hnuaia mi ang hian Mipuite Hriattirna a siam :
1). Temple to Dinthar Peng (Temple to Vaivakawn Road) chu ni 24.11.2019 (Pathianni) zing dar 10:00 atangin kawngpui thawmthat hna thawh a ni dawn avangin helai kawnga lirthei tlan turte chu a tul dan angin block a ngai dawn a, lirthei che vel pawh a khailak zeuh zeuh dawn a, chuvangin a hmuna Traffic Police te thu ngaichanga zawm theuh turin kan in ngenin kan inhriattir a. Hemi ni hian Temple to Vaivakawn inkar kawnga lirthei kal (chhuk lam leh chho lam) tur ten he thupek hi hria a, loh theih loh thilah loh chuan lirthei hmanga helai kawngpuia tlan lo turin kan inhriattirin kan inngen a ni e.
2). Kawng siamthat chhung hian Temple to Dinthar peng inkarah lirthei engmah kawngpui sirah dah/park phal a ni lo.
He thupek hian chhiatrupna thil, kangmei leh emergency kaihhnawih duty, dan leh thupek pawimawh bika Police leh Magistrate duty te chetvelna a huam lo ang.
