1064/2023-2024
Aizawl, 7th July, 2023: Vawiin khan GAD Conference Hall-ah Directorate of Geology & Mining (DGM), Commerce & Industries Department bultumin State Geological Programming Board (SGPB) Meeting vawi 28-na neih a ni.
SGPB Meeting hi kum tin neih thin niin Chairman chu Secretary, Commerce & Industries Department niin Member Secretary chu Director, Geology & Mining, Mizoram a ni. He meeting hi Secretary Pu R. Lalramnghaka, IAS chuan a kaihruai a, Geology & Mining bakah Geological Survey of India (GSI) te leh an service mamawhtu Lined Department hrang hrang heng- ONGC, Oil India Ltd., PWD, BRTF, Central Water Commission (CWC), Aizawl Municipal Corporation (AMC), UD&PA, District Disaster Management Authority (DDMA) te, Disaster Management & Rehabilitation(DM&R) Deptt, Land Revenue & Settlement Deptt. etc bakah Department pawimawh heng- EF&CC Deptt., Finance Deptt., Planning Deptt., Home Department, PHE Deptt., Mizoram University & PUC (Geology Deptt.) etc. hotute an tel a ni.
28th SGPB Meeting-ah hian kum kalta 2022-2023 chhunga Directorate of Geology & Mining (DGM) leh Geological Survey of India(GSI) [Tripura-Mizoram Circle] hnathawh hrang hrangte tarlan niin, Nikum lama SGPB Meeting neih taka Agenda a passed tawh hmalakna- Action Taken Report (ATR) leh tun kum kal mek 2023-24 chhunga Work Plan te sawiho niin tun meeting-a Agenda lutte sawihova pawm a ni. He meeting-ah hian District hrang hranga Deputy Commisioner-te an tel a ni.
Sorkar kum liamta 2022-23 chhung khan Directorate of Geology & Mining (DGM) chuan sorkar sum bawmah minor minerals (lung, balu) atangin Non-Tax Revenue Rs. 10,89,67,804/- an chhunglut a, Petroleum Exploration Licence (PEL) Fee atanga an hmuh Rs. 1,30,55,485/- leh Laboratory Testing Fee Rs. 3,74,200/- chhunglut bawkin a vaiin Rs.12,23,97,489/- chu Mizoram Sorkar sum bawmah an chhunglut a ni. Hetih lai hian DGM chhungah Mizoram pum enkawltu thawktu nghet chu 48 an niin sanctioned post chu 86 a ni.
Kum 2022-23 chhung hian Mizoram Sorkar chuan Directorate of Geology & Mining (DGM) hnuaiah Chhim lam District Pali (4)-te enkawltu tur -Lunglei Zonal Office din phalna pein Post thar 13 a siamsak bawk. Zonal Office din tur hian Post fill-up tur leh tul dangte buaipui mek a ni bawk. Tin Dan thar pahnih(2):Draft - The Mizoram Minor Minerals [Concession & Prevention of Illegal Mining], Rules 2023 leh The District Mineral Foundation Rules of Mizoram, 2023 an siam chu Cabinet Meeting-in 27/1/2023 khan a lo passed sak tawh a, heng Dan-te hi Mizoram Legislative Assemby a lay-a passed a nih veleh hman theih a ni ang.
He 28th SGPB Meeting ah hian Directorate of Geology & Mining (DGM) buatsaih Annual Report 2022-2023 leh report 3 (pathum)- i) Lifeline seismic hazard assessment of Tuipuiral area, Mizoram ii) Geotechnical Investigation report for Agriculture Growth Centre leh iii) Serchhip Sinking Area te chu tlangzarh a ni bawk.
