1063/2023-2024

Vawiin ni 7.7.2023 hian Lengteng bialtu MLA Dr. L.Thangmawia chuan Ngopa Chhimveng a Health Clinic Centre(HCC) thar a hawng.

Hw hunah hian thusawiin Dr. L.Thangmawia chuan Ngopa Chhimvenga Health Clinic Centre thar hawn a ni ta chu lawmawm a tih thu sawiin hawn a nih theihnan a theihtawp chhuahtu VC, Ngopa leh YMA Ngopa Chhimveng Branch te chungah lawmthu a sawi bawk.

Dr. Thangmawia chuan Lengteng bial chhung Health Sub-Centre la awm lohna khua zawng zawngah sawrkar in Health Clinic Centre(HCC) a hawn vek tawh thu te, tun hnaiah Sub-Centre awm tawhna, mahse a khua a len avanga hawn belh ngai bik Ngopa leh Kawlkulhah hawn belh a nih thu te, tuna Ngopaa HCC hawn theih a lo ni ta chu lawmawm a tih thu leh hun remchang hmasaah Kawlkulh Hmar vengah hawn a nih leh dawn thu leh a building thar sakna tur sum cheng nuai 15 pawh sawrkarin a dahfel tawh thu leh hna tan thuai a nih a beisei thu a sawi bawk.

Dr. Thangmawia chuan HCC hi chu vantlang ta bik a nih thusawiin Health Sub-Centre hawn belh a remchan tawh loh avangin Sawrkar leh mipuite tanrualna a HCC hi din anih thin thu sawiin khaw tam tak phei chuan hnatlangin a building te an sa thin a ni a ti a. Ngopa mipuiten he centre hi lo hmang tangkai a, an theih dan apianga lotuaihnum zel turin a chah nghal bawk.

He hun hi  Ngopa VCP Pu K. Lalremsiaman a kaihruai a, Ngopa SDO(Civil) Pu H. Lalramliana leh Ngopa CHC M.O. Dr C.Lalhmingmawii ten thu an sawi a, Ngopa Chhimveng Branch YMA Pu F.Lalvuankiman lawmthu sawiin hun a khar a ni.