Vawiin khan Chief Secretary Conference Hall-ah Mizoram State Innovation Council thutkhawm hmasa ber chu Chief Secretary leh Council Chairman ni bawk Pu Van Hela Pachuau, IAS hovin neih a ni.

He thutkhawmna ah hian State Innovation Policy leh Road Map buatsaihte, Innovation lam thil atan ‘Channeling System’ mumal zawk a siam leh 12th Plan ah Innovation Council tan sum dah chungchangte an sawi hova.

Meeting ah hian Planning Secretary Renu Sharma, IAS, Labour Secretary Nikhil Kumar, IAS, Industris Secretary R.L. Rinawma, IRS, State Planning Board Member Secretary P.L. Thanga, IAS (Rtd), Principal Scientific Officer Dr. Vanlalzara, Youth Commission Under Secretary Rochamliana leh Sr. Scientific Officer Dr. R.K. Lallianthanga te an tel a ni.