1213/2023-2024

21st July, 2023 : Vawiin, July ni 21, 2023 (Zirtawpni) chawhnu dar 1:00 PM khan Mizoram State Law Commission chu an Chairman, Pu Lala Khobung hovin a Office Chamber-ah an thukhawm a. Tun tum hi Law Commission thukhawm vawi 41-na a ni. Chairman chuan member-te inpekna-ah lawmthu a sawi a, ram leh hnam tan an thiamna leh ngaihtuahna te nasa lehzual a hmang turin a sawm.

Vawiin meeting-ah hian thu pawimawh tak tak sawiho a ni a :

‘The Mizo Marriage, Divorce and Inheritence of Property Act, 2014’, tuna hman mekah siamthat leh ennawn ngai te sawiho leh a ni a. Kil hrang hrang atanga thu Iut te leh Law Commission member-te atanga rawtna Iut te nen sawiho leh a ni. Hemi thu hi ngun taka zirchian a ni a. Siamthat ngai a awm nual a, remchang hmasa-a Dan siamthat turin buatsaih nise tih a ni. Uniform Civil Code (UCC) chungchang pawh sawilan a ni a. He thu hi Mizoram State Law Commission chuan meeting hmanhmawh thlak an neih, ni 25.11.2016 khan an lo ngaihtuah tawh a. Law Commission of India-in Questionaire a siam hmangin Mizoram-in a mamawh loh thu sawrkar kaltlangin Law Commission of India-ah a lo thlen ve tawh a ni.
Hei bakah hian Mizoram State Law Commission meeting dt. 26.8.2021-in a lo rel tawh The Constitution (Scheduled Tribes) Order, 1950' siamthat a ‘Any Mizo (Lushai) Tribes’ tih chu ‘Any Mizo Tribe’ tia thlak leh Pawi, Lai tia thlak te, Lakher, Mara tia thlak te a lo rel tawh chu sawrkarin a kalpui dan zawhchian nise an ti bawk.

Tuna MSLC ah hian Chairman Pu.Lala Khobung leh Member Secretary-ah Pu. Zahmingthanga Ralte, Addl. Secretary, Law & Judicial Department, Govt, of Mizoram niin, Member-te chu:

1. Pu Diganta Das, Advocate General, Mizoram.
2. Pi Helen Dawngliani, MJS, Secretary, Law and Judicial Dept. Govt, of Mizoram.
3. CEM, Mara Autonomous District Council.
4. CEM, Lai Autonomous District Council.
5. CEM, Chakma Autonomous District Council.
6. Pu Thanglianmanga Guite, MJS, President, Mizoram Judicial Service Association.
7. Pu Anil Rinliana Malhotra, Advocate. President, Mizoram Bar Association.
8. Pu C. Zoramchhana, Addl. Advocate General, Mizoram.
9. Pu Saihmingliana Sailo, Addl. Government Advocate, Mizoram
10. Pu C. Lalrinchhunga. Addl. Government Advocate, Mizoram