4780/2025-2026

Kolasib, 11th March, 2026: Vawiin chhun dar 11:00 khan State Medicinal Plant Board (SMPB), Mizoram (Under Nucleus Centre Grant, National Medicinal Plant Board, Ministry of AYUSH) leh Krishi Vigyan Kendra (KVK), Kolasib tangkawp buatsaihin KVK Kolasib-ah tualto ramhmul damdawi chin pun dan leh enkawl dan chungchangah kuthnathawktute pualin in zirtirna (Awareness Programme) hlawhtling taka neih a ni. He hunah hian Kolasib district chhung khaw hrang hrang 11 atangin loneitu (farmers) thahnem tak an tel a ni.

He hun hi Dr. Michelle C. Lallawmkimi, Senior Scientist & Head, KVK Kolasib chuan kaihruaiin kalkhawmte lawmna thu a sawi a. Dr. C. Vanlalhlimpuia, District Medical Officer cum Senior Medical Officer (AYUSH), District Hospital Kolasib chuan thu sawiin, SMPB hmalakna hrang hrangte a tarlang a. Kalkhawmte chu SMPB hmang tangkai zual deuh deuh tur leh, ramhmul damdawi chungchanga hriat belh duh neite tan KVK Kolasib leh Department of AYUSH, District Hospital, Kolasib te be pawh a, rawn thin turin a chah bawk a ni.

He programme-ah hian mithiam ruat bik, Dr. Lalchhanhimi, Consultant (Botany) leh Dr. Lalrammuana Sailo, Consultant (Medicinal Plant), SMPB, Mizoram, Directorate of AYUSH te chuan Mizorama ramhmul damdawi pawimawh zualte chanchin leh hetiang lama project neih theih dante zirtirna an pe a. Zirtirna pek a nih hnu hian kuthnathawktu kalkhawmte nen inpawh tlang takin sawihona hun an nei nghal a ni. He hun hi Dr. Carolyn Zothansiami (SMS, Soil Science) chuan lawmthu sawina (vote of thanks) neiin a khar a ni.