4781/2025-2026

Dated Serchhip, the 11th March, 2026: Ni 11.03.2026 Nilaini chhun Dar 12:00 khan Serchhip District Water & Sanitation Mission meeting neih a ni a, meeting hi Serchhip DC Pu Paul L. Khuma’n a kaihruai.

Er. Isaac Lalchhuanmawia, Member Secretary chuan agenda te sawifiahin hmalakna report hrang hrang te a tarlanga Jal Mahotsav chungchang sawi in he campaign hi 8-22 March, 2026 chhunga hman tur a nih thu a sawi a, he mi Program hnuaia hmalakna tur hrang hrang zingah Jal Arpan Diwas chu 12.03.2026 hian Hmawngkawn khuaa hman tum a nih thu te sawiin Committee chuan a pawmpui nghal a ni.

Paul L. Khuma, Chairman/DC chuan Jal Mahotsav hawnna nei zui nghalin, he campaign chhunga hmalakna tur ruahman te a theih ang anga zawm turin member-te a sawm a. PHE Department hmalakna hrang hrangte chhunawm a tih thu an inpekna fakawm a tih thu a sawi bawk.

Er. Isaac Lalchhuanmawia chuan District Technical Unit din a nih thu te leh an hmalakna khaw tinin Jal Seva Aankalan kaltlanga village Self- assessment an tih an lo check tawh dan leh issue hrang hrang an neih te tarlangin heng an harsatna neih chhan leh a chin fel dan tur ruahmanna District Improvement Plan an siam te PowerPoint presentation hmangin a tarlang a. Member kalkhawmte chuan District Improvement Plan hi District Technical Unit (DTU) lam hian kimchang leh zual zawkin lo buatsaih se tiin an rel a ni.

11.03.2026 hi World Plumber Day a nih angin  a puala hun hman zui nghal a ni a, PHE Department hnuaia Plumber mi 9 te hnenah thilpek an hlan a ni.