Mizoram State Olympic Association chuan vawiin khan an President Pu Lal Thanhawla, Chief Minister ni bawk chenna bungalow a banquet hall-ah executive meeting an nei.

Meeting hi MSOA Secretary General Pu Zoliana Royte in kaihruaiin, May 2011 leh April 2012 inkar chhunga an hmalaknate report a pe a. An sum dinhmun chungchangte ngaihthlaknate nei bawkin, an office, Pu F.Hrangvela building, Khatla ami hawn hun tur an sawiho bawk a. International Olympic Day ni 23 June 2012 hman dan tur rel bawkin, International Pocket Allowance pek dan thin siam that chungchangte leh office secretary hlawh siam that leh post dang siam belhte an sawiho bawk a ni. Mizorama Association hrang hrang, Rifles Association, Boxing Association, Amateur Taekwando Association leh Wrestling Association atangte a dilna an thehluhte an thlirho bawk.

Meeting-ah hian President Pu Lal Thanhawla leh Senior Vice President Pu Zodintluanga, Sports Minister bakah executive member an kal tha hle a ni.