4373/2025-2026

Saitual, the 10th February, 2026: Vawiin khan Mizoram State Project Monitoring Committee (MSPMC) te chuan Saitual District-a Circuit House, DC Bangla leh District Hospital sak mek an endik.

He hunah hian MSPMC team te chuan building sak lai te chu an hnathawh chin te an endik a, a thawktute chu kawmin an harsatna tawh te an zawt a, test tur te ti a, bungraw chah ngai te pawh a rang lama chah turin an hrilh nghal a ni.

MSPMC team-ah hian Arch. George Lazuia, Er. Vanlalneiha Ralte, Er. C. Lalchhuanawma, Er. Remlalmuanpuia te an tel a, Circuit House leh DC Bangla sak ennaah hian Pu Lalnunpuia, Supdt leh Pu J. Thangzuala, President, Joint VC in an lo dawngsawng a, District Hospitalah hian Dr. Zothanpari Chhakchhuak, Dy. CMO, Dr. Lalhmunmawii, DMS leh Hospital Staff ten an lo dawngsawng bawk a ni.