2811/2024-2025

Aizawl, the 2nd November 2024: Nimin khan Pu R. L. Rinawma, Vice Chairman, Mizoram State Project Monitoring Committee (MSPMC) kaihhruaiin Eklavya Model Residential School (EMRS) Tlangnuam-a sak mek an endik a. Academic Building leh Office-te, Girls Hostel, Boys Hostel, Kitchen cum Dinning Hall, Staff Quarters block pathum (3) leh Non-Teaching Staff Quarters te an endik nghal bawk a ni.

Heng Building te hi zawh fel vek la ni lo mahse kumin 2024-2025 Academic year-ah hian Class VI leh VII ah admission lain EMRS Society, Govt. of India thu angin zirna hi tan a ni a. Heng bulding endikah te hian thawm that ngai leh hna hmabak chhunzawm ngai enge emaw zat hmuh a ni a. A hmunah pre-visit leh post visit discussion te neiin, Pi Ruth Vanlalmalsawmi, Joint CEO, Mizoram EMRS Society & Joint Director, SW&TA leh Contractor te hi MSPMC hian meeting pawimawh tak an neih pui nghal bawk a ni.

He hna hi cheng vaibelchhe sawmhnih pathum (Rs. 23.00CR) chuang senga sak mek a ni a. Tunah hian za zela sawmkuapasarih (97%) vel zawh tawh a ni a. Hna zawng zawng hi December 2024 chhung zawh fel vek tum a ni.

MSPMC Vice Chairman hi Er. Lalthanzuala Ralte, Secretary, MSPMC, Er. Laltlanthangi Ralte, Sr. EE Quality Control Research & Development Division, PWD, Pi Vanchhungi Task Force, MSPMC leh Member dangte  Pu Lalbiakmawia Khiangte, Er. Vanlalneihna Ralte, Pi Lalremsangi Fanai ten an zui a ni.