2810/2024-2025

Dated Kolasib the 1 November 2024: Vawiin tlai khan Thirsakawr hmanga India ram fangchhuaktu Vanlallawmzuala Varte chu Kolasib Diakkawn ah DC Kolasib leh All NGO Co-ordination Committee leh mipuiin lo hmuakin lawmna thuziak leh pangpar hlanna te neiin thutawi sawina hun hman a ni bawk.

He hunah hian  Robert C Lalhmangaiha, Kolasib DC chuan Ride to Clean Air tih thupui hmachhuan a Thirsakawr hmanga India fangchhuak tu an lo hmuahna chu Pasaltha hlawhtling taka rawn haw hmuak an ni, a ti a. He hmuahna hun siamtu All NGO co-ordination committee chungah lawmthu a sawi a, Lallawmzuala Varte  pawh a kal lehzel na turah duhsakna a hlan.

Kolasib DC chuan Pu Vanlallawmzuala Varte in a Mizoram Pollution Board-Mission Life behchhan a Thirsakawr hmanga India ram a fan chhuah chhan boruak thianghlim leh environment tha neih theih nan a kawng hranghranga inrenchem chungchang chu mitin in kan ngaih pawimawh tur a ni, a ti a; a hmalakna thlawptu leh ti hlawhtling tu ni theuh turin kalkhawmte chu a sawm a ni.

Pu Vanlallawmzuala Varte, Mission Veng Aizawl hian Mizoram Pollution Control Board - Mission life hmalakna hnuaiah environment thianghlim leh boruak thianghlim pawimawh zia tlangau puiin January ni 25, 2024 khan Aizawl chhuahsan in Tripura a pan a. Chuta tang chuan India ram State leh UT zawng zawng tlawh kim vek in vawiin hian Kolasib a lo lut a ni. A zinna ah hian State hrang hrang a Sawrkar Department hrang hrang te leh Mizo awm ve ten an lo dawngsawng thin bawk.

Mission Life hi Lifestyle For Environment tih niin,  environment siam that leh boruak thianghlim neih nana kawng hrang hrang a mipuite hmalakna niin, India Prime Minister Narendra Modi chuan 26th UN Climate Change Conference of the Parties (COP 26) Glasgow Scotland a neih ah a khawvel hriat in a chhawpchhuak a ni.