Mizoram State Social Welfare Board chuan vawiin khan Hotel Ritz Conference Hall-ah an Chairman Pi Zothankimi kaihhruaina in Board meeting neih a ni. He Board Meeting ah hian agenda atan Board Office a hun rei tak atanga lo thawk tawh Adhoc Employees 8 te nghehna tura Board in hma a lo lak tawh leh a lo buaipui tawh chu Guwahati High Court, Aizawl Bench ni ni 9.9.2011 a regularised na tura Judgement Order a lo siam tak avanga lawmthu sawina neih a ni. Board Office Building sakna tur hmun New Capital Complex-a State Government in a lo pek chungchangte sawihova, hmalak dan tur te sawiho a nih bakah Scheme hrang hrang hnuaia Mizoram-a NGO ten application an thehluhte chu he meeting ah hian an enho a, Central Board New Delhi-a recommend tura thlan an ni. Hun rei tak atanga an lo dil leh beisei Jail hrang hrang a dah turin Creche Centre 6 (paruk) Central Social Welfare Board in an rawn pek tak avangin lawmthu an sawi bawk a ni.

Mizoram State Social Welfare Board hian scheme hrang hrang :1) Family Counselling Centre - 8 Centres ; 2) Condensed course of Education - 12 Nos ; 3) Awareness Generation Programme - 20 Centres ; 4) Creche Centre - 163 Nos ; 5) ISWE Programme - 1 No. ; Short Stay Home - 1 No. te hi NGO hrang hrangte kaltlangin a enkawl mek a ni.