599/2023-2024

Dated Aizawl the 26th May 2023: Vawiin khan Chanmari YMA Hall-ah Mizoram Teachers Federation (MTF) chuan General Conference Vawi 5-na an hmang a, he hun hi Pu Lalzirmawia Chhangte, IAS, Secretary, School Education Department, Govt. of Mizoram chuan khuallian niin a hmanpui.

Khuallian chuan thu sawiin Zirtirtu hna pawimawh ber chu zirtir a ni a, chutihrualin mawhphurhna sang tak a nih avangin ram leh khawtlang siam that hna thawk tur a beisei anni bawk a ni, a ti.Pu Lalzirmawia chuan Exam-a school result tha ringawt hi school tha tluantling teh nan a tawk lova, naupang te mi puitling chhawr tlak a chhuah theihna school hi school tha chu a ni, a ti. Zirtirtu te chu an naupang te hlawhtlin leh hlawhchham an mawhphurhna ah an dah ngam a ngai a ni, a ti a. Zirtirna aia thil dang ngaih pawimawh leh program dang a in hman fo hian naupangte ah rah thalo a chhuah a thei a, Sawrkar in Zirtirtu leh school dinhmun ti tha zel mahse naupang te an tlem tial tial a, heihi ngun taka ngaihtuah a, mahni hna a chian a naupang te thahnemngai taka enkawl hi a pawimawh a ni, a ti a, chu chuan ram leh khawtlang lo that zawk na turin nghawng thui tak a nei dawn a ni, a ti.

Vawiin Conference-ah hian MTF hnuaia Association hrang hrang aiawh mi 20 theuh kohkhawm niin, Pu Laltlanliana, Vice President, MTF-in inkhawm a kaihruai a, General Secretary hnen atangin MTF hmalakna hrang hrang report ngaihthlak a nih bakah Finance Report leh Lunglei Sub-Hqrs. atangin report ngaihthlak a ni bawk. Chawhnu lam ah Rorel leh Inthlanna neih a ni a, MTF General Conference Rorel zawh a nih hian Kum 2023-2025 chhung atana Mizoram Teachers Federation hruaitu atan heng mite hi an thlang chhuak ani:

President - Pu Laltlanliana, 

General Secretary - Pu Hmingchungnunga

Treasurer - Dr. Lalengzami

Mizoram Teachers' Federation (MTF) hi Federation of Mizoram Govt. School Teacher (FMGST) tih a ni thin a, a huang zauhin, Education Dept. hnuai atanga hlawh la zawng zawngte tel theihna turin MTF tiin thlak a lo ni ta a ni.