3059/2023-2024

Dated Aizawl, the 15th December, 2023: Vawiin khan Chief Minister Pu Lalduhoma chu a pisaah Mizoram University Vice Chancellor Prof. Dibakar Chandra Deka chuan hmuin lawmpuina a hlan a, Mizoram University in hma a sawn zel theihna tur thil pawimawhte an sawi dun nghal a ni.

He mi hnu hian Pu SP Kolipey, Chief Engineer, Project  Puspak (BRO) pawhin Chief Minister hi tlawhin lawmpuina a hlan  a. Mizoram chhunga Border Road Organisation in hna a thawh tlangpuite leh hmachhawp an neihte a hrilhfiah a. Chief Minister hian Project Pushpak hotute chu an kawng siamah khawchhung kawngte ngaipawimawh thin turin a lo chah a. An hnathawh mek te chu a remchan danin a hmuna enpui a duh thute a lo hrilh a ni.

Vawiin vek hian Chief Minister hi Manipur-a Zo hnahthlak pawl hruaitu thenkhat te leh mimal leh pawl thahnem takin hmuin lawmpuina an hlan a ni.