3060/2023-2024

Aizawl 15th December, 2023 : Vawiin chawhnu Dar 1 khan MINECO Secretariat Conference Hall No.2 ah Prof. Lalnilawma, Minister of State, RD etc hovin Rural Development Department chuan Department hmalak mekna leh hmachhawp te an thlir ho.

He hunah hian RD Department hnuaia schemes hrang hrang te enhona neih a ni a. Heng schemes- MGNREGS (ni 100 inhlawhna), PMAY-G (Mirethei Insak tanpuina), PMKSY-WDC, BADP, SAGY, SAU, leh SIRD&PR hnuaia hmalakna leh hmachhawpte powerpoint presentation hmangin thlirho a ni.

Prof. Lalnilawma, Minister of State, RD etc chuan Sawrkar tharah chuan Corruption free sawrkar siam an tum thu leh chumi atan chuan Department officials te thawhho puiah a sawm a. Kuthnathawktute leh thingtlang miharsa te dawmkan leh chawikan chu Depatment thil tum ber anih thu te, theihtawpchhuaha hna kan thawh a, Budget te tha tak leh dik taka kan hman chuan change kan siam theih ngei a beisei thu a sawi a. A Department chan pathum- RD, PHE leh Horti Deptt atang tein Convergence kalpui tan a nih tur thu te, tuihna humhalh leh tuihna tihpun lam uar zawka kalpui anih tur thute a sawi bawk a ni.

He meeting hi Pu R. Zarzosanga, IAS, Commissioner & Secretary chuan kaihruaiin, RD Department Officers te an tel kim hle a ni.