Vawiin hian Mizoram Upa Pawl E.Lungdar Area Conference Vawi 11-na chu Thangburha Hall E.Lungdar ah neih ani a. Dr. K. Lalbiakzuala, Director NHM chuan khuallian niin a hmanpui.

Dr. K. Lalbiakzuala chuan, upate hi hnam ro hlu an ni a, zah an phu a ni, a ti a. Upate chu thangthar leh naupang zawkte entawn tura awm zel tura fuihin an hriselna ngai pawimawh tur leh hrisel tur chuan invawn thianghlim a tul thute a sawi bawk. Mizo ten cancerkanvei nasa em em a, a chhan bul ber pawh zuk leh hmuam lamakanin thlahdah lutuk vang nia hriat a ni. Malariakanvei fo nachhan pawh khawlaia tui tling țawp tak takkansiamnasat vang te leh faina leh thianghlimna lama hmakansawn loh vang te ani. Natna hrang hrang avanginkansum,kanhun,kantha lehkannunna thlengakanhloh nasat zia hriain invawn thianghlimna lama tan lakkanngai hle a ni, a ti.

Area Conference ah hian E.Lungdar leh a chhehvel khua Mualcheng, Leng leh Sailulak  atangin palai mi 300 vel an kalkhawm a, ‘Upate Mawhphurhna’ tih thupuia hmangin Pastor B. Lalengzaua, UPC NEI chuan thupui a sawi a, Unit hrang hrang ten Lengkhawm Zai intihsiakna te neiin, tlaiah chawhlui an kilho nghal a ni.