1.  IAF GARUD Commando Recruitment hi MYC chuan Mizoram thalaite tan a buaipui thin a, hemi atan hian Pre-Recruitment Training buatsaihin, recruitment neihna hmun Guwahati-a Air Force hmunpuiah candidate-te hruaiin a buaipui thin a; kum 2019-2020-a MYC buaipuina hnuaiah hian AldrinLalbiakfela, Keifang leh R. Lalrinnunga, Dinthar te chu All India Merit-ah langpha in, Calling Letter an nghak mek a ni.

2.  Mizoram Youth Commission chuan mizo thalaite All India Service leh Central Service a tam zawk kan luh theih nan UPSC IAS Coaching lian taka hmalak chhoh a tum a, hemi atan hian ‘Consultation Meeting’ December ni 5, 2019 hian buatsaih tum a ni. MYC hnuaiah hian UPSC IAS Coaching hi kalpui thin a ni a, kum 2019-2020 chhung hian kalphung thar a thlak tum a ni a, Mizo thalaite All India Service leh Central Service a  kan in ziahtlin ngei ngeina turin MYC chuan hma thar a la dawn a ni.

3.  MYC chuan Mizoram thalaite bung thar kai nan Job Portal rintlak tak siam a tum a, he Job Portal hi Mizoram thalai hna zawng mekte tan awlsam zawk leh rang zawk a hna in kawhhmuhna tur tangkai tak a ni dawn a. MYC Job Portal hi Web based leh mobile based a hman theih tura duan a ni dawn a, registration tih hnu ah SMS alert thleng a dawn theih tur a duan tum a ni.

4.  Mizoram thalaite tan kawng sial turin MYC chuan Policy & Road Map and Action Plan a buaipui mek a, December ni 20, 2019 a Incentive Cash Award sem huna tlangzarh turin a ruahman mek a ni.