Vawiin khan Mizoram Youth Commission buatsaihin  mizo thalai, kum 2020-a  UPSC Civil Services Preliminary Exam hmachhawn tur a exam form fill-up tawh te zingah MYC in a sponsor tur thlanna Pachhunga University College ah neih a ni.

Dy. Chief Minister  Pu Tawnluia hova MYC Chairman, Chief Secretary, Finance Commissioner, Planning Secretary leh  MYC member ten an lo rel tawh angin, mizo thalai te All India Service a tling kan pun theihna tur a kumin chhunga hmalakna hmasa ber atan kumin a  UPSC Civil Services Preliminary Exam form fill-up tawh te tan exam hi Aizawl ah buatsaih a ni a. Hetiang chiah hian karleh Zirtawpni, Vau thla ni 13, 2020 hian New Delhi ah inbuatsaih mek mizo thalai Prelims 2020 Exam form fill-up tawh te tan exam nei leh tura ruahman a ni bawk.

Vawiina MYC sponsor tur thlanna exam hi ALS New Delhi ten buaipuiin, Written, Group Discussion leh personal Interview te neih a ni a,vawiin exam na a inlan hi an vaiin mi 38 an ni a, karleh zirtawpni a Delhi a exam neite nen kaikawpin an result atangin final selection hi neih a ni ang a,  result hi tun thla ni 15 ah tihchhuah tum ani a, sponsor thalai thlanchhuahte lakluh hi tun thla ni 17 hian neih tum a ni.