Mizoram Youth Commission leh Rochun hmalakna in Asia Pacific Youth Exchange (APYE) S. Korea (2019) leh Thailand-ah Mizoram atangin delegates tirh tawh an ni a, tunah hian Thailand-ah neih leh mek niin, hetah hian Mizoram atang delegate 10 tirh an ni.

Heng zirlaite bakah hian Dr. Vanlaltanpuia, Chairman, MYC, Prof. F. Lalnunmawia, MLA leh MZU aiawh, Dr. Lalrinchhana, Dy adviser, Planning Dept leh member secy, MEDMOC (Zoram Kailawn), Pu Henry Lalmawizuala, Pachhunga University aiawh leh MYC Officialte an tel bawk a ni.

APYE Thailand hi UNESCAP (United Nations Economic and Social Commission for Asia and the Pacific) in an thleng a, a hawnna inkhawm ah Dr. Vanlaltanpuia, Chairman, MYC in thusawina hun a nei bawk a ni. He hunah hian MYC, Rochun leh Urban Youth Academy ten thawhhona thuthlung siam in, he MOU ah hian Urban Youth Academy, Rochun leh MYC ten thawhho an remtihna a inziak a, ni 8.1.2020 khan MOU hi ziah fel a ni. He inremna hian APYE India Mizoram 2021 atanga thawhhona tur leh hlawhtling taka neih a nih theihna tura inremna te a tel a ni.

Attachment

  • Loading attachment...