3507/2022-2023
Aizawl, the 7th February, 2023: Parliament session kal mêkah vawiin khan Union Minister of Ayush Pu Sarbananda Sonowal chuan Ayush Department hmasawnna tura India sawrkarin Mizoram sawrkar a tanpuina a pek dan te Mizoram MP Pu.K.Vanlalvena zawhnate ziakin a chhang a.

Pu Sonowala chuan Aizawlah Ayush Hospital khum 50 awmna dinna turin First Instalment ah nikum ah nuai 69.609 pek a nih thu leh second instalment atan nuai 100 approved thar leh tawh a ni tih a sawi a. Saitualah Ayush hospital dinna turin nuai 100 approved a nih tawh thu Minister hian a sawi bawk.

Kum 2015 atanga 2021 chhungin Mizoram chhung hectare 373 a zauah Ramhmul damdawi (medicinal plant) chinna hmun siam a ni tawh a. Ramhmul damdawi chinna hmun venhimna leh humhalh kawnga hmalakna atan Mizoram Forest Deptt te project siam nuai 190.77 chu Central sawrkarin a approved sak thu leh First Instalment atan  nuai 76.30 pawh Mizoram sawrkar hnenah pek a nih tawh thu Minister chuan a sawi bawk a ni.