Ram hmasawnna chak zawk nei tur chuan hriselna a pawimawh a, hriselna tha nei tur chuan Mizote hi ei leh inah kan fimkhur a kan duh tui a ngai a ni, Home Minister Pu R. Lalzirliana chuan a ti. He thu hi vawiin chawhnu a Hrangbana House, Chanmari a Vestige Centre hawnna hunah a sawi a ni.

Minister chuan Mizote chu ei leh in, zuk leh hmuamah insumna tlachhamin kan taksa kan tichhe nasa a, ram changkang zawkte’n hriselna leh inenkawlna an buaipuizia ngaihtuahin keini pawh hian kan hriselna ngaih pawimawh a tha a ni, a ti a. Sawrkar ban buai lova sumdawnna, midang tana malsawmna ni bawk Mizo zinga an awm zel chu lawmawm a tih thu sawi telin, hna a vang tih sawi thin karah mi taima leh remhria te tan chuan thawh tur tha tak tak a awm reng tho a ni, a ti.

Vestige hi India ram chhuak direct sale company zinga titha ber niin, kum 2004 a din a ni a. Tunah hian Mizoramah Vestige member mi 7000 chuang an awm tawh a ni.